«Казан медицина көллияте» дәүләт автоном һөнәри белем бирү учреждениесе базасында 2023 елның 3 апреленнән 7 апреленә кадәр өч компетенция буенча «Профессионаллар» һөнәри осталык чемпионатының 2023 елгы төбәк этабы уза. Компетенцияләр: «Ортопедик стоматология», «Лаборатория һәм медицина анализы», «Медицина буенча һәм социаль яктан кайгырту».
Чемпионат хәрәкәтенең төп бурычы-талантлы, перспективалы яшьләрне һәм югары дәрәҗәдәге һөнәри осталыкка ия яшь белгечләрне ачыклау, үстерү һәм аларга ярдәм итү, аларны эшкә урнаштыруда булышу.
Төбәк чемпионаты җиңүчеләре Татарстан җыелма командасына керәчәк һәм 2023 елның ноябрендә Россиянең мәдәният башкаласы Санкт-Петербургта узачак «Профессионаллар» Милли чемпионатының 2023 елгы сайлап алу ярышларында һәм финалында республика исеменнән чыгыш ясаячак.
Бүген, 2023 елның 3 апрелендә С-2 узды. Эксперт-укытучылар конкурс биреме, бәяләү критерийлары белән таныштылар һәм барлык кирәкле беркетмәләргә кул куйдылар, ә конкурсантларда, республика җыелма командасының потенциаль әгъзаларында чемпионат циклы дәвамында күнегүләр процессы, чемпионат хәрәкәтендә алга таба үсеш траекторияләре турында мәгълүмат бирү, шулай ук югары нәтиҗәләргә мотивацияне арттыру максатыннан мотивацияле видеоочрашу узды!
Катнашучыларны алда кызыклы ярышларга бай көннәр көтә, алар, һичшиксез, һәркемгә кызыклы тәҗрибә китерәчәк, яңа күнекмәләр, шәхси сыйфатлар үстерергә ярдәм итәчәк һәм, иң мөһиме, яхшы танышулар өчен мәйданчык булачак.
Чемпионат хәрәкәте конкурсантларның компетенцияләрен күрсәтү һәм билгеле бер икътисади өлкәдә «продуктлар» прототипларын формалаштыру буенча эшкә юнәлдерелгән ярыш чараларыннан гыйбарәт.
Чемпионат хәрәкәтенең миссиясе: эшче һөнәрләрнең әһәмиятен һәм абруен күтәрүгә, һөнәри осталык чемпионатларын оештыру һәм үткәрү аша иң яхшы практикаларны һәм һөнәри күнекмәләрне бер-берсенә яраклаштыру юлы белән яшьләрнең һөнәри үсешенә ярдәм итүче шартлар һәм мотивация системалары булдыру, шулай ук икътисадның төрле тармакларын оператив һәм нәтиҗәләр күрсәтерлек кадрлар белән тәэмин итүгә булышу.
Татарстан Республикасында «Профессионаллар» чемпионатының төбәк этабы 2023 елның 3 апреленнән 7 апреленә кадәр 97 компетенция буенча үткәрелә. Чемпионатны оештыручылар – Татарстан Республикасы Хөкүмәте һәм «Һөнәри компетенцияләрне үстерү үзәге» коммерцияле булмаган автоном оешмасы.