Май чабуның «Лакомка» дип аталган өченче көне Казан медицина көллияте шәкертләре өчен чын бәйрәмгә әверелде. Тар Май чабуда соңгы көн дип саналган бу көн шатлык, сыйлар һәм күңел ачулар белән тулы иде.

Быелгы бәйрәм көллият территориясендә узды. Анда шәкертләр җыр-бию, коймак һәм татлы ризыклар белән ләззәтләнде.

Алып баручылар кунакларның күңелен күтәреп бәйрәм мохите тудырды. Шәкертләр күмәк биюдә актив катнаша, дуслары һәм курсташлары белән күңелле итеп вакыт үткәрә. Бәйрәм кәефе бөтен җирдә хөкем сөрде, кояш нурлары белән беррәттән коймак исе дә һаваны җылытып җибәрде сыман.

Шулай итеп, Казан медицина көллиятендә Май чабуның өченче көне якты һәм истә калырлык вакыйга булды, ул шәкертләргә бик күп уңай эмоцияләр һәм шатлыклы мизгелләр бүләк итте. Киң Май чабу бәйрәмен каршылап, алар алга таба уку һәм иҗади казанышлар өчен яңа көч һәм энергия белән тулыландылар.